Centro Cultura Popular Xaquin Lorenzo

  • Aumentar fuente
  • Fuente predeterminada
  • Disminuir fuente

ACTUACIÓNS DA ESCOLA DE DANZA

A Escola Provincial de Danza da Deputación de Ourense realizou o pasado Xoves 15 de Decembro o seu habitual Festival de Nadal como peche do primeiro trimestre do curso 2016-2017. Os alumnos, de idades comprendidas entre os 5 e 60 anos, ofreceron un espectáculo de canto, música e baile cun repertorio composto por muiñeiras, jotas, polkas, pasodobres, etc., e tamén cantigas de Nadal, coa intención de desexarlle a todos os asistentes unhas boas festas.

Entre as actividades de cara ao público realizadas neste primeiro trimestre do curso 2016/2017 polos diferentes grupos da Escola de Danza, destacan a participación no XVII Festival de Cantareiras O Son dos Antergos, celebrado en Ferrol o 15 de Outubro, xunto cos grupos “Alxibeira” do Padroado de Cultura do Concello de Narón, “Arume de Berdillo” de Carballo e A.F.C. “Terra Meiga”, grupo anfitrión; a actuación de baile, música e canto na Residencia de Maiores de Piñor, con motivo da celebración do magosto; e a realizada o 7 de Decembro en Expourense, con motivo da celebración da 17ª edición do Salón da Xuventude-Megaxove.